बॉक्स ऑफिसवर 'तान्हाजी'ची घोडदौड सुरु; मोडला भारतातील सर्वात मोठ्या चित्रपटाचा रेकॉर्ड

जानेवारी १० ला प्रदर्शित झालेल्या तान्हाजी चित्रपटाने महाराष्ट्रासह संपूर्ण देशाला वेड लावलं आहे. चार आठवडे उलटून गेले तरी हा चित्रपट बॉक्स ऑफिसवर तुफान कमाई करत आहे. तान्हाजी चित्रपटानंतर 'स्ट्रीट डान्सर', 'पंगा', जवानी जानेमान यांसारखे अनेक चित्रपट येऊन गेले. पण या सर्व चित्रपटांना मागे टाकत तान्हाजी चित्रपटाने प्रेक्षकांच्या मनात आपलं स्थान कायम ठेवलं आहे.तान्हाजी  चित्रपटाची आतापर्यंतची कमाई पाहता अनेक चित्रपटांचा रेकॉर्ड हा चित्रपट मोडताना दिसत आहे. 

भारतातील सर्वात जास्त बजेट असणारा आणि जास्तीत जास्त कमाई करणारा एकमेव चित्रपट म्हणजे 'बाहुबली-२'. परंतु आता या चित्रपटाचाही रेकॉर्ड तान्हाजी चित्रपटाने मोडल्याचे समोर आले आहे. 'बाहुबली-२' चित्रपट प्रदर्शित झाल्यानंतर २६ व्या दिवशी या चित्रपटाला ०.१३ कोटी इतकी आगाऊ बुकिंग मिळाली होती. परंतु हा विक्रम मोडत  तान्हाजी चित्रपटाला २६ व्या दिवशी ०.१८ कोटी आगाऊ बुकिंग मिळाले आहे. तसेच सलमानच्या 'दबंग'चित्रपटाने मुंबईमध्ये १०४ कोटींची कमाई केली तर 'तान्हाजी'नें १३० कोटींची कमाई केली. म्हणजेच सलमानच्या दबंग चित्रपटाचा रेकॉर्डही या चित्रपटाने मोडला आहे.   'तान्हाजी' चित्रपटाने भारतामध्ये आत्तापर्यंत एकूण २५७ कोटींची कमाई केली आहे.

#Tanhaji is ahead of *all* new releases [#Hindi]... Will continue to collect in coming week as well... [Week 4] Fri 2.77 cr, Sat 4.48 cr, Sun 6.28 cr, Mon 2.32 cr, Tue 2.05 cr. Total: ₹ 255.77 cr. #India biz.

— taran adarsh (@taran_adarsh) February 5, 2020