...उन्हातलं रोपटं

हरीश शर्मा, नाशिक
Saturday, 27 April 2019

ओंजळभर पाणी दे मला
आयुष्यभर तुझ्या कामा येईन

इवलंसं रोपटं मी
तू म्हणालास तर मरून जाईन

ओंजळभर पाणी दे मला
आयुष्यभर तुझ्या कामा येईन

दिलं जीवदान मला तर 
तुला जगायला प्राण वायू देईन

जगवलंस मला तर 
तुझ्या देवांसाठी फुलं देईन 

फुलवलंस मला तर
तुझ्या मुलांसाठी फळं देईन

तळपत्या उन्हामध्ये 
तुझ्या कुटुंबाला सावली देईन

तुझ्या सानुल्यांना खेळावया
माझ्या खांद्यावर झोका देईन

तुझ्या आवडत्या पाखरांना 
मायेचा मी खोपा देईन 

कधी पडला आजारी तर 
तुझ्या औषधाला कामा येईन 

झालो बेईमान जरी मी 
शेवटी तुझ्या सरणाला कामा येईन

 ... उन्हातल एक रोपटं

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App playstore

Related News