प्रजासत्ताक दिनी आफ्रिकेच्या माऊन्ट किलीमाजंरोवर फडकणार 71 फुटी भारतीय तिरंगा

द. अफ्रिका - दक्षिण अफ्रिका खंडातील सर्वात उंच समजल्या जाणाऱ्या माउंट किलीमांजरो या शिखरावर सह्याद्रीचे शिलेदार सागर नलावडे 71 फूटी तिरंगा फडकवण्याचा विश्वविक्रम करणार आहेत. 26 जानेवारी रोजी देशाचा 71 वा प्रजासत्ताक दिन असल्याने त्याच दिवशी दक्षिण अफ्रिकेतील सर्वोच्च मानल्या जाणाऱ्या शिखरावर हा विश्वविक्रम घडवण्यात येणार आहे.

21 जानेवारी ते 31 जानेवारी 2020 दरम्यान सुरू असलेल्या "मिशन सेवेन सुमिट  360 एक्सप्लोरर" (Mission seven summit 360 Explorer) या मोहिमेच्या माध्यमातून हा विक्रम घडवण्यात येणार आहे. तब्बल 5 हजार 895 मीटर उंच असलेल्या आणि बर्फाछदित शिखरावर ही मोहिम होणार आहे. कोल्हापूरच्या सागर नलावडे आणि इतर देशातील सहकाऱ्यांच्या माध्यमातून या मोहिमेचे आयोजन करण्यात आले आहे.