महाराष्ट्राच्या चार कलावंतांना राष्ट्रपतींच्या हस्ते पुरस्कार

सकाळ वृत्तसेवा (यिनबझ)
Thursday, 5 March 2020

चित्रकला, शिल्पकला व छायाचित्रण क्षेत्रातील उत्कृष्ट योगदानासाठी महाराष्ट्राच्या चार कलावंतांना आज राष्ट्रपती रामनाथ कोविंद यांच्या हस्ते ललितकला अकादमी राष्ट्रीय पुरस्कार प्रदान करण्यात आले.

नवी दिल्ली : चित्रकला, शिल्पकला व छायाचित्रण क्षेत्रातील उत्कृष्ट योगदानासाठी महाराष्ट्राच्या चार कलावंतांना आज राष्ट्रपती रामनाथ कोविंद यांच्या हस्ते ललितकला अकादमी राष्ट्रीय पुरस्कार प्रदान करण्यात आले. सोलापूरच्या तेजस्विनी सोनवणे आणि मुंबईतील सागर कांबळे, रतनकृष्ण साहा, दिनेश पांड्या यांचा पुरस्कारार्थींमध्ये समावेश आहे.

राष्ट्रीय ललितकला अकादमीच्या दिल्लीतील मुख्यालयात ४ ते २२ मार्च २०२० दरम्यान आयोजित ६१ व्या राष्ट्रीय ललितकला अकादमी प्रदर्शनात पुरस्कार प्राप्त १५ कलाकारांसह एकूण २८४ कलाकारांच्या कलाकृती प्रदर्शित करण्यात येणार आहेत.

सांस्कृतिक मंत्रालयाच्यावतीने राष्ट्रपती भवनात आयोजित कार्यक्रमात आज ६१ व्या राष्ट्रीय ललितकला अकादमी पुरस्कारांचे वितरण करण्यात आले. मंत्री प्रल्हाद पटेल, मंत्रालयाचे सचिव योगेंद्र त्रिपाठी व अकादमीचे अध्यक्ष डॉ. उत्तम पाचारणे उपस्थित होते. दोन लाख रुपये, सन्मानचिन्ह आणि प्रशस्तिपत्र असे पुरस्काराचे
स्वरूप आहे.

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App

Related News