Video : नवरदेवालाही पडलीय राष्ट्रवादीची भुरळ; त्याने घेतलेला उखाणा पाहाच

सकाळ (यिनबझ)
Sunday, 8 December 2019

मंगळवेढा तालुक्यातील राष्ट्रवादीप्रेमी नवरदेवाचा उखाणा सध्या सोशल मीडियावर व्हायरल होत आहे. महाराष्ट्रात राष्ट्रवादी काँग्रेसचे अस्तित्व संपुष्टात येते की काय अशी परिस्थिती निर्माण झालेली असताना राष्ट्रवादी काँग्रेसने फिनिक्स पक्षाप्रमाने झेप घेत राज्यात सत्तेत वाटा मिळवला आहे. त्यामुळे आता राष्ट्रवादी काँग्रेसची साऱ्यांनाच भुरळ पडू लागली आहे.

सोलापूर : मंगळवेढा तालुक्यातील राष्ट्रवादीप्रेमी नवरदेवाचा उखाणा सध्या सोशल मीडियावर व्हायरल होत आहे. महाराष्ट्रात राष्ट्रवादी काँग्रेसचे अस्तित्व संपुष्टात येते की काय अशी परिस्थिती निर्माण झालेली असताना राष्ट्रवादी काँग्रेसने फिनिक्स पक्षाप्रमाने झेप घेत राज्यात सत्तेत वाटा मिळवला आहे. त्यामुळे आता राष्ट्रवादी काँग्रेसची साऱ्यांनाच भुरळ पडू लागली आहे.

मंगळवेढा तालुक्यातील मरवडे येथील निलेश स्वामी या नवरदेवाने घेतलेला राष्ट्रवादीप्रेमी उखाणा सध्या सोशल मीडियावर व्हायरल झाला आहे. मरवडे येथील निलेश गुराप्पा स्वामी यांचा विवाह आज निवर्गी (ता.चडचण, जि. विजयपूर) येथे येळगी (ता. जत) येथील आरती हिच्याशी झाला.

 

या विवाह सोहळ्यात नवरदेव निलेश याने 'नंदीचे नाव असतंय महादेवाच्या आदी, आरतीचे नाव घेतो मी प्रचंड आशावादी, मी राष्ट्रवादी' मंडळी असा उखाणा घेतला. हा उखाणा आता सोशल मीडियावर व्हायरल झाला असल्याने त्यास नेटिझन्सची पसंती मिळत आहे. नवरदेव निलेश स्वामी हे मंगळवेढा तालुका राष्ट्रवादी काँग्रेसचे युवक सरचिटणीस आहेत.

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App

Related News