साधं सोपं आयुष्य

सुनिल पवार
Tuesday, 18 June 2019

मग भलेही बनू दे आयुष्याची सर्कस
निदान ते खदखदून तरी हसतील..
टाळ्याही पिटतील अगदी मनापासून
फार फार तर काय, जोकर म्हणतील..!!

आता मी ठरवलंय मनापासून
की मनाच्या विपरीत वागायचं..
जीवनाची मालिका दुःखद जरी असली
तरी चार्ली चॅप्लिन बनून जगायचं..!!

मग भलेही बनू दे आयुष्याची सर्कस
निदान ते खदखदून तरी हसतील..
टाळ्याही पिटतील अगदी मनापासून
फार फार तर काय, जोकर म्हणतील..!!

तसंही आयुष्य म्हणजे एक सिनेमा झालाय
घडीभर केलेली करमणूक जणू..
मग बोथट झालेल्या त्या दिखाऊ भावनांवर 
मी धनुष्य तरी कशाला ताणू..!!

बरं जाऊ दे,आता मीही चॅनल बदलतो
माझ्याच भूमिकेवर मीच हसून घेतो..
अरे हो, बॉक्स तसाही इडियट आहे
वाटलं तर पाहतो नाहीतर सरळ बंद करतो..!!  
 

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App playstore

Related News