असं मला वाटत नाही...

सुनिल पवार
Wednesday, 19 June 2019

दूर कुठे निवांत क्षणी 
आपली भेट होईल
असं मला वाटत नाही..

दूर कुठे निवांत क्षणी 
आपली भेट होईल
असं मला वाटत नाही..
आता हेच बघ ना
दुरून दिसणारं 
धरणी आकाशाचे मिलन
प्रत्यक्षात कधीच घडत नाही..!!

सांजेच्या वेळी दिसणारी
क्षितिजाची रंगत
डोळ्यांना सुखावणारी असली
तरी ती क्षणभंगुर असते
हे ही विसरता येत नाही..
कातरवेळ सारता सरत नाही
आणि चांदण्यांची रंगत
मिटल्या डोळ्यांना कधी दिसणार नाही..!!

किनाऱ्याची स्थितप्रज्ञतां जोपासशील
तर भग्नतेशिवाय 
पदरी काहीच पडणार नाही
ओलावा रुजवणारी लाट
पाऊलखुणा पुसून दूर निघून जाईल 
अन् हतबल पाहण्याशिवाय 
हातात काही उरणार नाही..!!

नाही, असे घडलंच असेही नाही
लाट माघारी वळू शकते
क्षितिज पुन्हा रंगू शकते
अन् चांदण्यांची रंगतही रंगू शकते
पण दृष्टिकोन बदलावयास हवा
टाळी एका हाताने वाजत नाही
तुला इतके तरी कळायला हवे
बाकी काहीच म्हणणे नाही..!!
 

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App playstore

Related News