ती...

प्रत्येक रात्र ती जागवते
मनातील भावनांचा दरवाजा ठोठावते

गजबजलेल्या घरात नकोशी वावरते
कुठल्यातरी कोपऱ्यात निपचित पडते

प्रत्येक रात्र ती जागवते
भासा पलीकडचे चित्र रेखाटते

रुजलेल्या भीतीचा मुखवटा बघते
परद्या मागील वाऱ्याचा अंदाज घेते

प्रत्येक रात्र ती जागवते
घडणाऱ्या गोष्टींचा ती निषेध नोंदवते

शब्दांच्या मोर्चाला ती ओठावर अडवते
काय सांगावं ! ती कुठे कुठे पळते

शेवटी दुसऱ्याच तुकड्यांमध्ये जगते 
अशी ती प्रत्येक रात्र जगते
 

- पूर्वा बहाळकर

मराठवाडा मित्र मंडळ वाणिज्य महाविद्यालय