तिची त्याच्यावर नजर ... 

विजयकुमार देशपांडे
Thursday, 22 August 2019

ती आपल्याच तोऱ्यात असते
 ढुंकूनही माझ्याकडे पहात नसते
माझी तिच्यावर नजर असते 
रिकामे पाकीट हसताना दिसते

माझ्या घरात हे चित्र दिसते
प्रत्येक एक तारखेलाच असते
बायको येरझाऱ्या घालत असते
मी येण्याची वाट पहात असते

माझ्यासमोर गिरक्या घेत असते
जमेल तेवढ्या फिरक्या घेत बसते
तिचा चेहरा किती हसरा असतो
 माझा कसा नेमका पडेल दिसतो

नजर माझी तिच्यावर खिळलेली
तिची माझ्या पाकिटावर रोखलेली 
दोन तारखेपासून बदलते चित्र
 दोघांतले बोलणे होते विचित्र

ती आपल्याच तोऱ्यात असते
 ढुंकूनही माझ्याकडे पहात नसते
माझी तिच्यावर नजर असते 
रिकामे पाकीट हसताना दिसते !

 

 

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App playstore

Related News