स्वतःच्याच गाण्यावर गणेश आचार्य धरणार ताल

नृत्य दिग्दर्शक गणेश आचार्यने आजवर बऱ्याच हिंदी चित्रपटांतील हिट गाण्यांचे नृत्य दिग्दर्शन केले आहे. ‘चिकनी चमेली’, ‘मल्हारी’, ‘खली बली’ अशी बरीच गाजलेली गाणी त्यांनी दिग्दर्शित केली आहेत.

आता लवकरच ते एका नव्या गाण्यातून प्रेक्षकांच्या भेटीला येत आहेत. दिग्दर्शक मनोज शर्मा यांच्या ‘खली बली’ या चित्रपटातील टायटल ट्रॅकमधून ते प्रेक्षकांसमोर येणार आहेत. विशेष म्हणजे या गाण्यात गणेश स्वतः नृत्य करताना दिसणार आहे. गणेश यांना या गाण्यात नृत्य करताना पाहणं रंजक ठरणार आहे.