जाणून घ्या, स्वतःला गोड खान्यापासून कसं आवरतात हे ऍक्टर लोक

दिशा पाटनी तिच्या चित्रपटांपेक्षा तिच्या फिटनेसला घेऊन जास्त चर्चेत असते. ती तिच्या फिटनेस संबंधित पोस्ट्स आणि फोटो सोशल मीडियावर शेअर करत राहाते. तथापि, कोणत्याही सामान्य व्यक्तीप्रमाणेच त्यांनाही तंदुरुस्तीशी संबंधित विशेषत: गोड आणि जंक फूड खाण्याच्या संबंधित असलेल्या फिटनेस टिप्सला पाळावं लागतं.

दिशाला सुपर टोन बॉडी मिळवण्यासाठी स्ट्रिक्ट डायट प्लॅन करावा लागतो. विशेष म्हणजे, दिशाला गोड पदार्थही आवडतात. त्यामुळे ती आपल्या आहारावर कशाप्रकारे लक्ष केंद्रित करते, याबद्दल नुकत्याच दिलेल्या मुलाखतीत तिने सांगितले आहे.

फिटनेसची क्रेज असलेल्या दिशा पटानीने सांगितले की तिला साखर खुप आवडते. यावर तिने सांगितले की एक स्नॅक घेतल्यानंतर माझी साखर खाण्याची तल्लब निघून जाते. दिशा म्हणते की, 'एक अभिनेत्री म्हणून मला फिट राहाणे गरजेचे आहे, फक्त मी माझ्या चित्रपटांसाठी आणि प्रोजेक्ट्ससाठी म्हणून याकडे लक्ष देत नाही, तर एक सामान्य आयुष्य जगतानादेखील फिटनेस माझ्यासाठी गरजेचा असल्याची ती सांगते. मी माझ्या व्यायामाच्या रूटीनमध्ये कधीच अडथळा आणत नाही आणि प्रत्येकवेळी मी त्यातून खूप आनंद घेत असते.

मी नेहमीच त्या पर्यायांचा किंवा वस्तूंच्या शोधात असते, जे जेवल्यानंतर माझ्यासाठी डेजर्टचे काम करतील आणि माझ्या तब्येतीवरदेखील परिणाम करणार नाहीत.