दिशा-आदित्य यांची चित्रपट ‘मलंग’साठीची मेहनत 

दिशा पटानी आणि आदित्य रॉय कपूर त्यांच्या आगामी ‘मलंग’ चित्रपटाकडे लक्ष केंद्रित करत आहेत. दिशा-आदित्यचा हा पहिलाच एकत्रित चित्रपट आहे. त्यामुळे आपली केमिस्ट्री अधिक खुलून दिसावी म्हणून दिशा-आदित्यने एक आगळावेगळा रोमॅण्टीक सीन या चित्रपटासाठी शूट केला आहे.

या दोघांनी अंडरवॉटर काम केले आहे आणि याचे चित्रीकरण गोव्यामध्ये नुकतेच झाले. चित्रपटाच्या कथेची गरज म्हणून दिशा-आदित्यने अंडरवॉटर काही मिनिटांचे चित्रीकरण केले आणि त्यासाठी या दोघांना खूप मेहनतही घ्यावी लागली.

दिशा-आदित्यला यासाठी खास प्रशिक्षणही देण्यात आले होते. ‘मलंग’साठी सध्या हे दोघं घेत असलेली मेहनत चित्रपटाला फायदेशीर ठरणार का, हे चित्रपट प्रदर्शित झाल्यावर कळेलच.