रस्त्याच्या मधोमध वाहनावर केक कापून वाढदिवस साजरा करण्याचे फॅड

सकाळ वृत्तसेवा (यिनबझ)
Thursday, 2 January 2020

नगर : रात्रीच्या वेळी रस्त्याच्या मध्यभागी काही वाहने येऊन थांबतात. रस्त्याच्या मधोमध वाहनावर केक कापून वाढदिवस साजरा करण्याचे फॅड वाढत आहे. आता चक्‍क रस्त्यावर डीजे लावून "भाई का बड्डे' गाण्यावर हातात नंग्या तलवारी घेऊन नाचण्याचा प्रकार सुरू झाला आहे. त्यामुळे नगर जिल्ह्यातील पोलिसांसमोर वेगळेच आव्हान उभे राहिले आहे. 

नगर : रात्रीच्या वेळी रस्त्याच्या मध्यभागी काही वाहने येऊन थांबतात. रस्त्याच्या मधोमध वाहनावर केक कापून वाढदिवस साजरा करण्याचे फॅड वाढत आहे. आता चक्‍क रस्त्यावर डीजे लावून "भाई का बड्डे' गाण्यावर हातात नंग्या तलवारी घेऊन नाचण्याचा प्रकार सुरू झाला आहे. त्यामुळे नगर जिल्ह्यातील पोलिसांसमोर वेगळेच आव्हान उभे राहिले आहे. 

पाथर्डी तालुक्‍यातील टाकळी फाट्यावर नुकताच हा प्रकार समोर आला. काही मुलांनी मित्राच्या वाढदिवसासाठी रस्त्यातच डीजे लावला. रात्रीच्या शांततेला चिरत गेलेल्या डीजेच्या दणदणाटाने आसपासचे लोक व रस्त्यावरील प्रवासी चांगलेच वैतागले होते. तरुणांनी डीजेवर "भाई का बड्डे' गाणे लावण्याची "फमाईश' केली.

त्याप्रमाणे गाणे लागले नि तरुणांनी रस्त्यावरच ठेका धरला. एकाने हातात नंगी तलवार धरीत नृत्य सुरू केले. एकाने त्याला खांद्यावर घेत जोरदार आरडाओरडा केला
या प्रकाराला वैतागून परिसरातील नागरिकांनी पोलिसांना पाचारण केले. पोलिस येत असल्याचे पाहून

डीजेमालकासह तरुणांनी अंधाराचा फायदा घेत धूम ठोकली. वाढदिवस साजरा करण्याच्या या अघोरी प्रकारामुळे पोलिस प्रशासनासमोर नवे आव्हान उभे राहिले आहे. तलवारी घेऊन नाच करणाऱ्या या तरुणांवर कडक कारवाई करण्याची मागणी होत आहे.
शहरातील मोहीम थंडावली 

शहरातील रस्त्यावर सार्वजनिक ठिकाणी वाढदिवस करण्याचे पेव फुटले होते. मध्यंतरी पोलिसांनी कारवाईची मोहीम उघडल्यानंतर हे प्रकार थांबले होते. मात्र, गेल्या काही दिवसांपासून पुन्हा चौकात चौकात रस्त्यावर वाढदिवस साजरे होऊ लागले आहेत. 

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App

Related News