लोकशाहीची चेष्टा

महेश शेवाळकर
Wednesday, 18 September 2019

आता कुणासाठी तरी साप झाला
पण साला 
माझ्या डोक्याला लै ताप झाला

निष्टे ची विष्टा झाली 
लोकशाहीची चेष्टा झाली
तुमच्या माकडउड्या पाहून
इमानदारी उष्टी झाली

नवऱ्याने बायको बदलली
बायकोने नवरा बदलला
कोण कुणाची आई झाली
कोण कुणाचा बाप झाला
आजवर पाळलेला 
आता कुणासाठी तरी साप झाला
पण साला 
माझ्या डोक्याला लै ताप झाला

कमळाला पाकळ्या किती?
चिखलात रुतलेल्या देठाला
वजन सहन होईल काय?
भिंतीवरचे घड्याळ
अचूक टायमिंग साधेल काय?

धनुष्याची दोरी तुटणार तर नाही ना?
रेल्वे इंजिन सुरूच नाही झालं तर?
भिंतीवर हाताचा पंजा आपटून
हात गेला सुजून
आणि लोकशाहीला जाताना पाहिलं
डोळे पुसून पुसून

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App playstore

Related News