'टॅटू' काढणाऱ्यांनो; तुम्हाला संसर्ग रोगाची लागण तर नाही ना?

सकाळ वृत्तसेवा (यिनबझ)
Sunday, 28 July 2019

तुम्ही फॅशन म्हणून शरीवावर "टॅटू' काढून अथवा गोंदवून घेत असाल, तर सावधान..! "टॅटू' काढताना एकासाठी वापरलेल्या नीडल्स (सुई) इतरांसाठीदेखील वापरल्या जातात. त्यातून हिपेटायटिस "बी', "सी' यांसारखा विषाणूंचा संसर्ग होत असल्याचे दिसून आले आहे.

कुठल्याही वयात लस घेणे सर्वोत्तम
जगात दरवर्षी 15 लाख लोकांचा मृत्यू केवळ हिपेटायटिस (कावीळ) "बी'ने होतो. भारतामध्ये शंभरातील सहा ते आठ व्यक्ती "बी'ने, तर एक ते दोन व्यक्ती "सी'ने बाधित होतात. यातील अनेकांना वर्षानुवर्षे ही धोकादायक कावीळ असल्याचे लक्षातच येत नाही. कालांतराने या लोकांना "लिव्हर सिरॉसिस', यकृताचा कॅन्सर होण्याची जोखीम असते. लसीकरणाद्वारे दोन्ही प्रकारांना दूर ठेवणे शक्‍य आहे.

नागपूर : तुम्ही फॅशन म्हणून शरीवावर "टॅटू' काढून अथवा गोंदवून घेत असाल, तर सावधान..! "टॅटू' काढताना एकासाठी वापरलेल्या नीडल्स (सुई) इतरांसाठीदेखील वापरल्या जातात. त्यातून हिपेटायटिस "बी', "सी' यांसारखा विषाणूंचा संसर्ग होत असल्याचे दिसून आले आहे.

नागपूरच्या "मेडिकल'मध्ये संदेश टोकेकर (नाव बदलले) यांच्यावर हा प्रसंग ओढवला होता. तीन महिन्यांपूर्वी संदेश "टॅटू' काढून आला. आधी वापरलेल्याच सुईचा पुनःपुन्हा वापर कदाचित झाला असल्याने त्याला हिपेटायटिस "बी' विषाणूंचा संसर्ग झाला. त्याच्यावर लवकर उपचार झाल्याने तो बचावला. "टॅटू' काढल्यानंतर वापरलेल्या सुईला हिपेटायटिस "बी' आणि "सी'चे विषाणू चिकटून असतात. ते उघड्यावर अनेक दिवस राहत असल्याने हा आजार बळावतो. उपचारासाठी येणाऱ्या पेशंटच्या विविध तपासण्यांनंतर अनेक पेशंटने "टॅटू' काढल्याचे निदान होते. "टॅटू'सह कान टोचण्यासाठी एकाच सुईचा वापर होत असल्याचे दिसून आले आहे.

कुठल्याही वयात लस घेणे सर्वोत्तम
जगात दरवर्षी 15 लाख लोकांचा मृत्यू केवळ हिपेटायटिस (कावीळ) "बी'ने होतो. भारतामध्ये शंभरातील सहा ते आठ व्यक्ती "बी'ने, तर एक ते दोन व्यक्ती "सी'ने बाधित होतात. यातील अनेकांना वर्षानुवर्षे ही धोकादायक कावीळ असल्याचे लक्षातच येत नाही. कालांतराने या लोकांना "लिव्हर सिरॉसिस', यकृताचा कॅन्सर होण्याची जोखीम असते. लसीकरणाद्वारे दोन्ही प्रकारांना दूर ठेवणे शक्‍य आहे.

ब्लूम बर्ग या शास्त्रज्ञाने 1967 मध्ये हिपेटायटिसचा शोध लावला. या शास्त्रज्ञाच्या जन्म दिनाचे निमित्त साधून 28 जुलै हा जागतिक "हिपेटायटिस दिन' म्हणून साजरा करतात. "टॅटू' काढण्यात येणाऱ्या द्रव्यात "मर्क्‍युरी' किंवा इतर विशिष्ट रंगद्रव्य असतात. सुई निर्जंतुक केली असेल तर ठीक; अन्यथा रक्तामार्फत हिपेटायटिस "बी', "सी'चे विषाणू पसरू शकतात.
- डॉ. प्रवीण शिंगाडे, सहयोगी प्राध्यापक, मेडिकल, नागपूर.

Become YINBuzz contributor. Write your stories, publish your photos and videos using Sakal Samvad App (*YINBuzz.com हा तरूणाईसाठीचा खुला डिजिटल फोरम आहे. इथे प्रसिद्ध झालेल्या मतांशी वेबसाईटचे व्यवस्थापन सहमत असेलच; असे नाही.)

Download Samvad App playstore

Related News