अभिनेता परेश रावल  डॉ. कलाम यांच्या भूमिकेत 

अभिनेता परेश रावल यांनी विनोदी भूमिकांबरोबरच चरित्र कलावंतांच्याही भूमिका साकारून बॉलीवूडला अनेक हिट चित्रपट दिले. त्यांच्या प्रत्येक चित्रपटाला आणि त्यांनी साकारलेल्या भूमिकांना प्रेक्षकांचे भरभरून प्रेम मिळाले आहे.

आता लवकरच ते माजी राष्ट्रपती डॉ. एपीजे अब्दुल कलाम यांच्या जीवनावर आधारित चित्रपटात झळकणार असल्याची चर्चा आहे. या चित्रपटात ते अब्दुल कलाम यांची भूमिका साकारणार आहेत. या चित्रपटाची अजून अधिकृत घोषणा करण्यात आलेली नाही;

मात्र त्यांनी स्वतः समाजमाध्यमावर एपीजे अब्दुल कलाम यांच्यासंबंधीची पोस्ट शेअर करत चाहत्यांना या चित्रपटाची माहिती दिली आहे. त्यामुळे परेश यांना या चित्रपटात पाहण्यासाठी चाहते उत्सुक आहेत.